Jeffreysbaai-dokter kry nuwe advokaat

2013-02-20 18:06

Johannesburg – 'n Dokter van Jeffreysbaai, wat daarvan aangekla word dat hy vier seuns seksueel aangerand het, het Woensdag in die landdroshof op Humansdorp verskyn, het die Oos-Kaapse polisie gesê.

Polisiewoordvoerder Gerda Swart het gesê die saak is tot 1 Julie uitgestel omdat die dokter 'n nuwe advokaat aangestel het.

Die advokaat het tyd nodig om met die saak vertroud te raak.

"Die saak sal vir vyf dae vanaf 1 tot 5 Julie aangehoor word," het Swart gesê.

Die 54-jarige verdagte is op 19 September in hegtenis geneem nadat twee ma's sake van seksuele aanranding in Augustus aangemeld het.

Sedertdien het hy verskeie kere in die hof verskyn nadat borgtog van R2 000 toegestaan is.

Die seksuele oortredings het na bewering in 2003 in die dokter se spreekkamer in Jeffreysbaai plaasgevind.

Drie van die seuns is broers, wat ten tyde van die voorvalle tussen agt en tien jaar oud was.

Die vierde kind is aangerand toe hy nege jaar oud was.

Volg Nuus24 op Twitter.

- SAPA