Inwoners stort vullis by raadslid se huis
2013-02-21 12:41
Johannesburg – Inwoners van Orange Farm het hul asblikke by die huis van hul wykraadslid, Lindelwa June Nhose, gaan leegmaak, is Donderdag berig.
Inwoners het betoog oor die gebrek aan vullisverwydering in die gebied.
Volgens hulle is hul vullis sedert 16 Desember nie verwyder nie. Hulle het hul asblikke tot voor Nhose se huis gestoot en Saterdag daar leeggemaak. Die vullis is Dinsdag verwyder.
Pule Semahla, organiseerder van die betoging, het gesê hulle het 'n bestuurder by Pikitup genader, wat aan hulle gesê het vragmotors het onklaar geraak. Hulle het hom nie geglo nie en die hoofkantoor genader, maar personeel was nie bewus van 'n probleem nie.
"Ons het die kwessie met ons raadslid, by wie ons al weke lank kla, bespreek. Sy het met 'n houding gekom en toe reageer ons."
Pikitup het teen druktyd nie reageer op die koerant se versoeke om kommentaar nie en Nhose se selfoon was afgeskakel.
– Volg Nuus24 op Twitter
- SAPA
