Ina Bonnette getuig teen 'Modimolle-monster'
2012-11-20 07:10
Johannesburg – Die martel-slagoffer Ina Bonnette sal na verwagting Dinsdag in die Pretoriase hooggeregshof in die verhoor van haar vervreemde man, Johan Kotzé, en sy drie medebeskuldigdes getuig.
Die 50-jarige Kotzé word daarvan beskuldig dat hy die drie mans met 'n vuurwapen gedreig het om Bonnette te verkrag en dat hy haar seun vermoor het.
Kotzé het Maandag geweier om te pleit op die aanklagte teen hom ná 'n regter sy span se aansoek om die saak uit te stel, van die hand gewys het, berig OFM.
Waarnemende regter Bert Bam het egter namens Kotzé 'n pleit van onskuldig aangeteken op sewe aanklagte van onder meer verkragting, ontvoering, poging tot moord en moord.
Die drie ander mans, Andries Sithole, Pieta Mohlane en Frans Mphaka het onskuldig gepleit op dieselfde aanklagte.
Kotzé het Sithole, Mohlako, en Mphaka aangestel het om in die tuin van sy huurhuis in Modimolle te werk.
Hy het die mans na bewering met 'n vuurwapen gedreig en beveel om Bonnette met voorwerpe, insluitend spykers en 'n skroewedraaier, te martel.
Kotzé het na bewering ook sy stiefseun, Conrad, na die huis gelok en hom koelbloedig doodgeskiet.
– Volg Nuus24 op Twitter
- SAPA
