IVP eis antwoorde oor moord op gospelsanger
2010-11-21 14:43
Die Inkatha-Vryheidsparty (IVP) eis antwoorde van KwaZulu
Natal se provinsiale regering en die nasionale minister van polisie oor die
moord op 'n gerespekteerde gospelsanger van Durban.
Sifiso Mzulwini (33), 'n sanger in die Ithemba Gospel
Musiekgroep, is op 18 November 2010 naby Durban vermoor. Volgens 'n persverklaring wat deur die IVP
uitgereik is, het die eerste polisieverslag gesê dat Mzulwini deur 'n onbekende
man geskiet is. Die tweede verslag het egter gesê die polisie het Mzulwini
geskiet omdat hulle vermoed het dat hy by 'n reeks huisbrake en gewapende
rooftogte in Isipingo betrokke was.
"Deesdae neem roekelose optrede deur die polisie in
KwaZulu Natal ontstellend toe," het IVP woordvoerder, Velaphi Ndlovu, in
die persverklaring gesê.
- SAPA