IVP: Malema is ‘n fabrieksfout
2010-05-24 15:34
Johannesburg - Die president van die ANC-jeugliga (ANCYL), Julius Malema, is "die enigste fabrieksfout onder ons," het die IVP-jeugbrigade Maandag gesê.
“Die jeugbrigade is bewus van Malema se kommentaar oor die IVP en sy president, Mangosuthu Buthelezi, die afgelope naweek,” het Pat Lebenya-Ntanzi, voorsitter, gesê.
“Ons is regtig bly dat Malema van sy tyd afgestaan het aan die IVP tydens ‘n ANCYL-kongres, maar ons wil hom net herinner dat hy niks meer is as ‘n swak gemanierde, bedorwe brokkie met verbale diarree nie.”
Hierdie kommentaar teen Malema kom nadat hy glo tydens die ANCYL se kongres in Durban gesê het dat die IVP gerus by die ANCYL kan leer om 'n suksesvolle kongres te hou.
Die ANCYL se kongres is egter geteister deur logistieke probleme en afgevaardigdes wat uitgestap het weens beweerde knoeiery met stemme.
Lees meer hier.
Volg Nuus24 op Twitter.