‘Hulle het nog nooit kondome gesien’
2009-12-08 21:14
Sydney Masinga
Badplaas – ‘n Kliniek in Mpumalanga wat sowat 40 000 mense behandel het Dinsdag bekendgemaak dat ongeveer 70% van hulle pasiënte MIV-positief is.
Volgens Freddy Ngobe, woordvoerder vir die provinsiale departement van plaaslike regering en behuising, is dié skok statistiek onthul nadat die departement van deur-tot-deur geloop het tydens ‘n MIV/vigs-bewustheidsveldtog.
Thandi Maluka, koördineerder vir die Treatment Action Campaign (TAC), het bevestig dat die statistiek wel korrek is.
“Armoede speel in hierdie area veral ‘n groot rol in die verspreiding van MIV. Ons was ook geskok om uit te vind dat meeste inwoners van Tjakastad nog nooit eers kondome gesien het nie,” het Maluka gesê.
Na bewering sal TAC in Januarie volgende jaar met ‘n intensiewe bewustheidsveldtog in Tjakastad begin.
“Ek dink dit is ons verantwoordelikheid om veral te fokus op landelike dorpies en inwoners in te lig oor die gevare van onbeskermde seks.”
- African Eye