Houtbaai-bootongeluk: Weer nie 'n faktor
2012-10-16 08:37
Kaapstad – Bootoperateurs in Houtbaai het gesê daar was geen gure weer toe 'n plesierboot die naweek omgeslaan het nie, het berigte Dinsdag gelui.
"Wat die weer betref, was dit veilig om uit te gaan... Dit was 'n bietjie winderig, maar dit was goed genoeg om uit te gaan," het Brenda Owen, eienaar van Nauticat Charters, aan die Cape Times gesê.
Ken Evans, wie se boot, die Calypso, ook Saterdag op die water was, het gesê daar was 'n geringe deining maar die weersomstandighede was nie ongewoon nie.
Die kaptein van die Extravagance, 'n ander vaartuig, het bevestig dat die weer "aangenaam" was, met geen noemenswaardige deinings nie.
Hy het gesê die Miroshga het in die moeilikheid geraak in 'n gebied wat bekend staan as die "wasmasjien", waar die water dikwels ontsuimig is.
Die plesierboot, met 39 mense aan boord, het Saterdagmiddag naby Duiker-eiland omgeslaan. Peter Hyett, 64, 'n Britse toeris, en John Roberts, 37, 'n bemanningslid, het verdrink.
– Volg Nuus24 op Twitter.
- SAPA
