Hospitaal sonder krag
2010-05-19 19:31
Johannesburg – Dele van die Chris Hani Baragwanath hospitaal is sedert Maandag sonder elektrisiteit weens onbetaalde rekeninge.
Qedani Mahlangu, Gautengse LUR vir gesondheid, het verduidelik dat ‘n “kontantvloei-probleem” tussen haar departement en die Tesourie, die oorsaak van die probleem is.
“Diesel sal voor die einde van die dag by die hospitaal afgelewer word sodat die kragopwekkers in werking kan tree,” het sy bygevoeg.
Mahlangu het met die media gepraat na aanleiding van die dood van ses babas by die Charlotte Maxeke-hospitaal in Johannesburg.
– Sapa
Volg Nuus24 op Twitter