Hooggeregshof sê oor e-tol

2012-12-13 07:16

Johannesburg – Gautengse motoriste sal Donderdag hoor of die e-tolstelsel wel voortgaan, wanneer 'n uitspraak oor die saak in die Pretoria-hoggeregshof gelewer word.

"Ek hoef dit nie te sê nie, maar uitspraak word voorbehou," het regter Louis Vorster op 28 November gesê.

"Ek wil nie die publiek laat wag nie en sal so vinnig wees as moontlik."

Die Opposition to Urban Tolling Alliance (Outa) het die hof gevra om 'n besluit van die Suid-Afrikaanse Nasionale Padagentskap (Sanral) om sekere snelweë in Gauteng as tolpaaie te verklaar, te hersien en ongeldig te verklaar.

Outa het Sanral daarvan beskuldig dat hy die publiek opsetlik in die duister hou, en oneerlik is oor die implementering van die e-tolstelsel in Gauteng.

David Unterhalter, vir Sanral, het die bewerings as roekeloos bestempel.

Die konstitusionele hof het in September 'n tussentydse hofbevel ter syde gestel wat die implementering van die e-tolprojek tydelik uitgestel het.

– Volg Nuus24 op Twitter.