Hof heropen ná brand
2009-10-06 15:54
Johannesburg – Die Pretoriase landdroshof het Dinsdag heropen nadat daar Maandag ‘n brand uitgebreek het.
12 gevangenes wat tydens die brand gehospitaliseer is, is Dinsdag ontslaan en terug tronk toe geneem. Twee brandweermanne is ook in die hospitaal opgeneem maar dit is nog nie bekend of hulle al ontslaan is nie.
Volgens Emily Dhlamini, die streekshoof van die departement van justisie, het die hof rëelings getref om gesamentlike hofsittings te hou terwyl ondersoekbeamptes die toneel fynkam vir enige bewysstukke.
"Ons het ook rëelings getref dat ‘n hofkamer by die departement beskikbaar gestel word om van die sake uit te stel,” het hy gesê.
Volgens Console Tleane, ‘n woordvoerder vir die Tshwane-metroraad, word ‘n saak oor die oorsaak van die brand ondersoek.
“Niks kan op hierdie stadium uitgesluit word nie. Dit kan enige van ‘n aantal dinge wees wat die brand veroorsaak het, brandstigting, ‘n tegniese- of elektriese probleem of nalatigheid,” het hy gesê.
Die brand het Maandagmiddag in 'n ondergrondse stoorkamer uitgebreek. Die gebou is ontruim en niemand is tydens die voorval dood nie.
- Sapa