Hof: G'n appél vir Barbie
2010-05-13 14:33
Johannesburg - Die appèlhof het Donderdag Cezanne Visser, beter bekend as Advokaat Barbie, se verlof tot appèl geweier.
Appèlhof-regters Mohammed Navsa en Belinda van Heerden het teen haar aansoek besluit.
Visser het in Maart vanjaar ’n aansoek om teen haar skuldigbevinding te mag appelleer by die hooggeregshof in Pretoria ingedien.
Waarnemende regter Chris Eksteen het geweier om Visser verlof te gee om teen haar skuldigbevinding te appelleer weens die meriete van die saak.
Sy is egter borgtog van R10 000 toegestaan hangende die uitkoms van haar aansoek aan die appèlhof om te mag appelleer.
Sy is vir sewe jaar tronk toe gestuur op 11 seksverwante aanklagte, wat onder meer kinderhuiskinders betrek.
-Sapa
Volg Nuus24 op Twitter.