'Herverkiesing van Zuma nie goeie nuus vir SA'

2012-12-18 18:00

Kaapstad – Die Demokratiese Alliansie (DA) het gesê die herverkiesing van Jacob Zuma as president van die ANC is nie goeie nuus vir Suid-Afrika nie.

Helen Zille, leier van die DA, het gesê Zuma se gebrekkige leierskap oor belangrike kwessies wat Suid-Afrikaners in die gesig staar sal voortduur, sowel as die korrupsie en misbruik van staatshulpbronne wat tot dusver sy ampstermyn gekenmerk het.

Zuma se herverkiesing stuur 'n boodskap aan ANC-lede regoor die land dat dit aanvaarbaar is om posisies in die regering vir persoonlike verryking te gebruik.

Zille het gessê wêreldwyd is dit ondenkbaar dat 'n president wat vir drie jaar reeds vervolging vryspring op meer as 700 aanklagte van korrupsie, herkies kan word as president van 'n regerende party.

Sy het gesê Zuma se herverkiesing sal die disintegrasie en ineenstorting van die party verhaas. 

– RSG.

– Volg Nuus24 op Twitter.

- SAPA