Herrie in salon oor Malema
2010-07-04 14:01
Kaapstad – Daar was glo op ‘n kliënt in ‘n Sandtonse salon geskreeu toe hy die naam van Julius Malema, ANC-Jeugliga president genoem het.
Goolam Mohammed, ‘n besigheidsman, wie sy hare vir die afelope twee jaar by die bekende Bijan Hair Boutique in Sandton laat sny, beweer Phillip Vos, bestuurder van die salon, het op hom gegil omdat hy oor die kontroversiële jeugleier gepraat het.
“Terwyl my stilis aan my hare gewerk het, het ek aan ‘n vrou, wat ook haar hare gesny het genoem van die goeie werk wat Malema doen ten spyte van die kontroversie rondom hom. Die vrou het egter nie met my saamgestem nie, maar gesê sy het steeds vertroue in die ANC,” het Mohammed gesê.
“Skielik het Vos, wie met ‘n ander kliënt besig was al skreeuend in my rigting begin loop en met sy hande in die lig beduie dat ek besig is om hom en sy kliënte te beledig.”
Mohammed het intussen ‘n klag van intimidasie by die polisie aanhangig gemaak.
- Vir die volledige storie besoek TimesLive.
- Volg Nuus24 op Twitter.