Henning-moord: Telefoonrekords nagegaan
2011-12-15 11:40
Pretoria – Die polisie is besig om telefoonrekords van die moordbeskuldigde André Gouws na te gaan om die meesterbrein agter die sluipmoord op Chanelle Henning vas te trek.
Daar word vermoed dat die finale leidraad in die saak 'n telefoonoproep is waarin die vermeende meesterbrein sê Henning se kind is saam met haar die naweek voor sy dood is.
Gerhardus du Plessis het in sy pleitooreenkoms gesê hy, Willem Pieterse en Ambrose Monye het die besonderhede lank voor die sluipmoord gefinaliseer toe Gouws die oproep ontvang.
Dit is toe dat Gouws sê die sluipmoord moet later uitgevoer word.
Gouws is 'n vriend van Henning se vervreemde man, Nico. Die polisie hou vol hy is onskuldig en nie betrokke in die moord op Henning nie.
Du Plessis en Pieterse het skuldig gepleit op aanklagte van moord en die onwettige besit van 'n vuurwapen en ammunisie. Hulle is Woensdag tot effektief 18 jaar tronkstraf gevonnis.
Du Plessis en Pieterse sal na verwagting teen hul medebeskuldigdes getuig.
Henning is doodgeskiet oomblikke nadat sy in November haar seun by die kleuterskool afgelaai het.
– Lees meer hier
– Volg Nuus24 op Twitter