Henning-moord: Atleet het opdrag gegee, hoor hof

2012-11-27 12:33

Pretoria – Die stad se hooggeregshof het gehoor die moordbeskuldigde Ambrose Monye het die instruksie gegee om Chanelle Henning te vermoor.

Die veroordeelde moordenaar Willem Pieterse is vroeër in die hof gevra hoekom hy die jong ma vermoor het.

“Dit was ‘n instruksie wat ons van [die voormalige Nigeriese Olimpiese atleet] Ambrose gekry het,” het hy geantwoord.

Pieterse het in Monye en André Gouws se moordverhoor getuig.

Monye en Gouws het onskuldig gepleit op al die aanklagte teen hulle.

Henning (26) is verlede jaar in Faerie Glen, Pretoria-Oos, doodgeskiet kort nadat sy haar seun by sy kleuterskool afgelaai het.

Pieterse en Gerhardus du Plessis beweer die oud-atleet het hulle gehuur om die sluipmoord uit te voer. Monye het na bewering R10 000 aan elkeen van hulle belowe.

Pieterse en Du Plessis is verlede jaar elkeen tot 18 jaar tronkstraf gevonnis nadat hulle ‘n pleitooreenkoms met die staat aangegaan het.

Volg Nuus24 op Twitter  

- SAPA