"Helse" 100 dae van Zuma
2009-08-07 11:24
Kaapstad - Pres. Jacob Zuma, wat pas sy 100ste dag as president gedien het, is ten spyte van ekonomiese druk en gewelddadige protesoptogte in die land steeds ‘n "mense-mens".
Die charismatiese leier van Afrika se grootste ekonomie het reeds met woede oor swak dienslewering, massa-stakings en die wêreld se eerste resessie in 17 jaar te make gehad.
Zuma is egter meer bereid om te luister en probleme te erken as oudpres. Thabo Mbeki, meen kenners.
Maar Susan Booysen, politieke ontleder aan die Universiteit van die Witwatersrand (Wits), het gesê Zuma se eerste 100 dae is "'n bietjie soos iets uit die hel".
Booysen het egter bygevoeg dat een van die positiewe aspekte van Zuma se regering was die versekering om probleme aan te spreek eerder as om te maak of dit nie bestaan nie.
Die ANC het beloof om 500 000 werkgeleenthede te skep, maar meer as 270 000 mense het vanjaar hulle werk verloor.
Dirk Kotze, ‘n politieke onteleder, het gesê daar is aanvanklik gedink dat Zuma ‘n marionet is, maar dit lyk of die nuwe regering goed klaarkom.
- Sapa-AFP