Hek-kwotastelsel by Krugerwildtuin ingestel

2012-12-10 15:20

Johannesburg – Die Nasionale Krugerwildtuin sal tydens die feestydperk 'n hek-kwotastelsel bedryf, het beamptes Maandag gesê.

Die stelsel sal gebruik word om die getalle besoekers te beheer en oorbevolking te voorkom, het William Mabasa, woordvoerder, gesê.

"Dagbesoekers sal vooraf moet bespreek vir toegang."

'n Deposito van R28 per volwassene en R14 per kind is betaalbaar.

Mabasa sê die meeste hekke sal na verwagting vroeg in die dag reeds hulle volle kwota bereik. Hy het verder gesê wanneer die daaglikse kwota bereik is, sal slegs besoekers wat vooraf bespreek het, toegelaat word. Die stelsel sal nie oornagbesoekers raak nie.

"Ons moedig alle besoekers aan om of vroeg te kom of vooraf te bespreek."

Besoekers aan die park sal 'n geldige identiteitsdokument of ander vorm van identifikasie by die hek moet toon. Geen alkohol word in die park toegelaat nie.

Deel jou mening: Dink jy die stelsel is 'n goeie idee? Stuur jou mening aan Nuus24.

– Volg Nuus24 op Twitter

- SAPA