Hartbaba in kritieke toestand
2010-03-04 23:07
Johannesburg – Baba Ashleigh Louw, wat gebore is met ‘n deel van haar hart buite haar bors, is in ‘n kritieke toestand in die intensiewe sorgeenheid, het dokter Pungie Lingham, die kliniese bestuurder by die Chris Hani-Baragwanath Hospitaal Donderdag gesê.
Lingham het gesê dat die baba nog onder intensiewe monitering is nadat sy ‘n reuse-operasie op 17 Januarie ondergaan het om haar hart terug in haar bors te plaas.
“Ons moet onthou dat Ashleigh gebore is met ‘n hele paar abnormaliteite en dat sy ‘n baie siek baba is,” het hy gesê.
Volgens SABC-radionuus het die familie ‘n versoek aan dokters gerig om alle pogings om haar lewe te red stop te sit.
Nietemin het dokters gesê dat hulle nie die masjiene wat haar aan die lewe hou gaan afskakel nie, maar eerder toelaat dat die natuur sy gang gaan.
Volgens Ashleigh se tannie Olivia het dokters aan die familie gesê het dat Ashleigh se liggaam so geswel is dat hulle nie meer ‘n drup op haar kan gebruik nie.
Dokters kon medikasie slegs deur haar mond ingee.
Louw het aan die uitsaaier gesê dat so verpletter as wat die familie is, is hulle tevrede met die harde werk wat deur die dokters gedoen is.
- Sapa