Harrismith-predikantsvrou steeds kritiek

2012-11-15 08:06

Bloemfontein – Dorothea Brits, die vrou van die vermoorde dominee Willem Brits van Harrismith, is steeds in 'n kritieke toestand in Mediclinic Bloemfontein, het OFM Donderdag berig.
 
'n Woordvoerder vir die hospitaal, Amanda Appelgryn, sê sy sal eerskomende Maandag weer 'n breinskandering ondergaan, en afhangende van die resultate sal haar dokters haar dan van die ventilator begin speen en die sedasie geleidelik verminder.
 
Dorothea het ernstige kopbeserings opgedoen toe sy en haar man verlede week in hul pastorie met 'n byl aangeval is.

Willem het Vrydagoggend in Mediclinic Hoogland op Bethlehem gesterf. 

Die egpaar se seun, Martin Brits, is in hegtenis geneem vir sy beweerde aandeel in die moorde.

Lees verder.

– OFM