Gyseldrama: Gevangenes hou dokter aan

2012-11-19 16:28

Bloemfontein – Die dagblad Volksblad het Maandagmiddag berig dat 'n gyseldrama hom by die Mangaung- korrektiewe sentrum buite Bloemfontein afspeel.

Polisie-onderhandelaars en nooddienste is glo op toneel.

Die Vrystaatse polisie het intussen bevestig dat twee gevangenes 'n mediese dokter aanhou.

Sers. Thabo Litabe het gesê die dokter word reeds sedert 10:35 aangehou.

Die gevangenes eis volgens Volksblad 'n oorplasing na 'n tronk in Gauteng.

Die dagblad berig dat die polisie se taktiese eenheid na die gevangenis ontbied is.

– Lees hier meer. Is jy op die toneel? Stuur jou foto's of storie aan ons.

– Volg Nuus24 op Twitter.

- SAPA