Guptas se maatskappy begin nuuskanaal

2013-02-07 09:37

Johannesburg – Die Gupta-familie se New Age-mediamaatskappy sal in Augustus 'n 24-uur-nuuskanaal bekendstel, berig City Press.

Imtiaz Patel, hoof- uitvoerende beampte van MultiChoice, het aan die koerant bevestig dat die kanaal as deel van die DStv Premier Bouquet uitgesaai sal word. Dié kanaal sal die plek van die SABC se beplande 24-uur-nuuskanaal, wat nie meer op DStv uitgesaai sal word nie, inneem.

Bronne by The New Age het gesê hulle is twee weke gelede in kennis gestel dat die maatskappy 'n TV-kanaal gaan bekendstel.

Patel het bevestig dat MultiChoice nie die maatskappy gaan betaal vir die kanaal nie.

Gary Naidoo, woordvoerder van New Age, het nog nie op navrae gereageer nie.

Volgens City Press is besprekings tussen MultiChoice en New Age al sedert 2011 aan die gang.

** Nuus24 is 'n 24.com-publikasie, wat deel is van Media24. City Press is ook 'n Media24-publikasie. Beide Media24 en MultiChoice is Naspers-maatskappye.

– Lees meer hier

– Volg Nuus24 op Twitter