Grusame ongeluk eis 4

2009-09-05 11:08

Durban - Vier mense is dood en agt ander is beseer in ‘n grusame ongeluk op die N2 naby Amanzimtoti.

Volgens Netcare 911 het paramedici rondom 23:30 gisteraand op die toneel van die ongeluk opgedaag.

Paramedici sê 'n 4x4-bakkie van die Oos-Kaap was oppad Durban toe met 16 mense aanboord toe die bestuurder beheer van die motor verloor het en die voertuig gerol het.

Vier mense is dood, ses mense is ernstig beseer en twee ander het ligte beserings opgedoen.

Al die beseerdes is op die toneel behandel en toe na verskillende hospitale geneem vir verdere behandeling.

- Netcare 911