Gru-treinongeluk eis minstens 10 lewens

2012-07-13 09:30

Kaapstad – Minstens tien mense het gesterf en ‘n aantal ander is ook beseer in ‘n gru-treinongeluk in Mpumalanga, het paramedici gesê.

Netcare 911 het op Twitter bevestig dat tien mense in die ongeluk dood is.

Jeffrey Wicks, ‘n woordvoerder, sê 13 mense is beseer toe die trein ‘n vragmotor by ‘n spooroorgang naby Malelane getref het.

Geen verdere besonderhede is tot dusver bekend nie.

Owerhede het aan eNews gesê tot 30 mense het moontlik in die ongeluk omgekom.

Hou Nuus24 dop vir verdere inligting.

Volg Nuus24 op Twitter