Gru-ongeluk eis man se lewe
2009-09-05 08:27
Durban - 'n Man het Saterdagoggend vroeg sy lewe verloor toe hy in 'n trok vasgery het.
Volgens Chris Botha, woordvoerder vir Netcare 911, het die man op die Umgenipad naby die Makro in Durban in sy Volkswagen Golf gery toe hy in 'n 18-wiel trok verongeluk het.
Sy motor is onder die groot trok vasgevang, en het toe in vlamme uitgebars.
"Die brandweer het vlamme spoedig geblus, maar ongelukkig is die bestruurder weens sy erge beserings op die toneel oorlede," het Botha gesê.
Reddingswerkers moes spook om die trok te lig om die wrak van onder die trok uit te kry.
Die presiese oorsaak van die ongeluk is nog nie duidelik nie.
- Nuus24