Groot toets wag op Sanral – Outa

2012-09-21 08:30

Johannesburg – Teenstanders van die e-tolstelsel in Gauteng sê die Suid-Afrikaanse Nasionale Padagentskap (Sanral) het nou twee maande om te bewys hoe vinnig hy die stelsel aan die gang kan kry, berig Eyewitness News.

Die grondwethof het Donderdag ‘n tydelike interdik ter syde gestel wat deur die Noord-Gautengse hooggeregshof toegestaan was om die implementering van die e-tolstelsel te verhoed.

Die regering is van mening dat die land se ekonomie negatief geraak word deur regter Bill Prinsloo se besluit.

Dit beteken Sanral kan die program nou implementeer, hangende ‘n volledige verslag van die projek in die Noord-Gautengse hooggeregshof wat vir die einde van November geskeduleer is.

Wayne Duvenhage, voorsitter van die Bondgenootskap Teen Stedelike Tol (Outa), sê hy twyfel of Sanral daarin sal slaag om die stelsel voor die hooggeregshof se hersiening in November te implementeer, aangesien daar nog net te veel is wat gedoen moet word.

“Sanral het nog altyd gesê hy is gereed. hy het by die grondwethof op 15 Augustus gesê hy is gereed om binne twee weke te begin. Wel hier is die toets.”

– Lees meer hier.

– Volg Nuus24 op Twitter

 

- SAPA