Groot dele van Jhb sonder elektrisiteit
2011-04-07 07:46
Johannesburg – Terwyl 'n 12 uur lange kragonderbreking in groot dele van Johannesburg voortduur, waarsku City Power dat die probleem eers binne 24 uur herstel sal word.
Gebiede wat in donkerte gehul is, sluit in Norwood, Melrose, Hyde Park, Houghton Estate en Rosebank.
Die kragverskaffer het gesê verspreidingskabels in die Sydenham-substasie is Woensdag beskadig, maar beamptes weet nog nie hoe of hoekom die kabels beskadig is nie.
City Power se Louis Pieterse sê omdat die beskadigde kabels binne die substasie is en die ruimte beperk is, kan dit nog 24 uur neem om die krag te herstel.
"Ons behoort alle herstelwerk teen môre-oggend (Vrydag) klaar te hê en sal soos die herstelwerk gedoen word, die elektrisiteitstoevoer in die gebiede wat geraak word, herstel."
Lees meer hier
Volg Nuus24 op Twitter