Griekwastad-tiener dalk volgende jaar verhoor

2012-09-27 07:02

Kimberley – Die tiener wat van die gru-moorde op die Steenkamp-gesin van Griekwastad aangekla word, sal waarskynlik eers volgende jaar verhoor word, berig Volksblad.

Hy moet weer Maandag in die landdroshof op dié dorp verskyn en sal dan moontlik hoor wanneer hy verhoor gaan word.

Die tiener sal waarskynlik nie teen die einde van die jaar, soos aanvanklik gesê is, verhoor word nie.

Die verhoor sal waarskynlik eers volgende jaar plaasvind.

Die akte van beskuldiging (klagstaat) moet nog deur die staat aan die seun se verdedigingspan oorhandig word.

Intussen sal die staat se aansoek om appèl teen die toestaan van borgtog aan die minderjarige seun Donderdag in die Noord-Kaapse hooggeregshof in Kimberley waarskynlik by ooreenkoms tussen die staat en die verdediging vir ’n week, tot 4 Oktober, uitgestel word, het Stoffel de Jager, die kind se prokureur, bevestig.

Die staat wil in sy appèl onder meer aanvoer landdros Oswald Mazwi het ’n fout gemaak deur te bevind die kind hou nie ’n gevaar vir ander mense in nie.

– Lees meer hier

– Volg Nuus24 op Twitter