Griekwastad: Trane ná tiener borgtog kry

2012-09-03 12:10

Kaapstad – Die minderjarige seun wat van die moord op die Steenkamp-gesin aangekla word, is borgtog toegestaan.

Rapport se Jacques Steenkamp het vanuit die hof getweet dat die beskuldige se familielede baie bly was. Sommige van hulle het in die hof hul trane van blydskap weggevee.

OFM het vroeër berig die seun se familielede het buite die hof bymekaargekom.

Die seun staan tereg vir die moord op Deon, Christel en Marthella Steenkamp op hul plaas buite Griekwastad in April vanjaar.

Die staat het aangevoer dat die beskuldigde in aanhouding moet bly omdat hy ‘n gevaar vir die samelewing inhou.

Volg Nuus24 op Twitter  

- Nuus24