Griekwastad: Tiener se borgtogaansoek duur voort

2012-08-24 07:05

Griekwastad – Die borgtogaansoek van die 16-jarige seun wat van die moorde op 'n gesin in Griekwastad beskuldig word, word Vrydag voorgesit, berig RSG.

Die 16-jarige seun is Dinsdag in Bloemfontein in hegtenis geneem.

Deon (44) en Christel Steenkamp (43) en hul dogter, Marthella (14) is op 6 April op die plaas Naauwhoek, sowat 9 km buite die dorp, vermoor.

Volgens die polisie het die enigste oorlewende van die gesin, Don, gesê hy was buite in die pakskuur toe hy die skote gehoor het. Hy het die huis binnegehardloop en op sy ouers en susters se lyke in die TV-kamer afgekom, het Volksblad vroeër berig.

Die Nasionale Vervolgingsgesag staan borgtog teen en het gesê hy is vol vertroue dat hy 'n sterk saak teen die seun het.

Hannes Cloete, staatsaanklaer, het gesê daar is duidelike bewyse wat die tiener met die moorde verbind.

– RSG

– Volg Nuus24 op Twitter