Griekwastad: Skool 'het nie regte prosedure gevolg'

2012-09-17 17:31

Bloemfontein – Die minderjarige wat beskuldig word van die moord op die Steenkamp-gesin wend hom tot die stad se hooggeregshof omdat die skool nooit aan hom die geleentheid gegee het om te reageer op die bewerings wat teen hom gemaak word nie.

Die moordverdagte se prokureur, Stoffel de Jager, sê dat die skool die seun toegang tot die skoolgronde geweier het, sonder om die regte prosedure te volg, het OFM berig.

De Jager wou nie uitbrei oor die redes vir hul besluit om tot hierdie stap oor te gaan nie.

Dit kom nadat die seun se hoërskool in Bloemfontein besluit het om nie die seun toe te laat om terug te keer skool toe nie, maar hom eerder by te staan met tuisonderrig.

Die seun is op 3 September borgtog van R5 000 in die Griekwastad-landdroshof toegestaan. Een van die borgvoorwaardes was dat hy met sy skoolloopbaan moet voortgaan, maar hy is toe toegang tot klasse geweier, het die radiostasie berig.

Die saak sal Donderdag in die hof voorkom.

Volg Nuus24 op Twitter