Griekwastad: Bewering oor Marthella 'onwaar'

2012-09-01 09:00

Kimberley – Marthella Steenkamp, wat in April saam met haar pa en ma in hul plaashuis by Griekwastad doodgeskiet is, is glo nie voor die moorde verkrag of gemolesteer nie, het 'n ingeligte aan Volksblad gesê.

Volgens dié bron is 'n kneusing aan die 14-jarige se geslagsdeel opgemerk, maar hou nie verband met die moorde nie en is ook nie weens verkragting of seksuele molestering nie. Dit word toegeskryf aan gereelde perdry of ’n moontlike worsteling.

'n Nasionale weekblad het verlede week oor dié bewerings berig.

Die polisie se ondersoekspan was Dinsdag weer op Griekwastad en op die plaas Naauwhoek, na verneem word om die toneel te rekonstrueer.

Die seun, wat daarvan aangekla word dat hy Deon, Christel en Marthella Steenkamp op 6 April op hul plaas doodgeskiet het, is tans in aanhouding in die Galeshewe-polisiestasie in Kimberley.

– Lees meer hier

– Volg Nuus24 op Twitter