'God wil hê ek moet hoofregter wees'
2011-09-04 13:10
Kaapstad – Regter Mogoeng Mogoeng het aan die Regterlike Dienskommissie (RDK) gesê God wil hê hy moet Suid-Afrika se hoofregter wees.
“Dink jy God wil hê jy moet as hoofregter aangestel word?” het Koos van der Merwe, IVP se hoofsweep, Sondag aan Mogoeng gevra.
“Ek dink so,” het Mogoeng gesê.
“Dit skep ‘n probleem vir my,” het Van der Merwe gesê. “Wat gaan God aan my doen as ek teen jou stem?”
“Dit is tussen jou en God, kommissaris,” het Mogoeng geantwoord.
Mogoeng het vertel hoe hy gebid het en ‘n teken gekry het dat “dit die regte ding is om te doen” nadat pres. Jacob Zuma hom vir die posisie as die land se hoofregter benoem het.
“Ek het gebid en ‘n teken gekry dat dit die regte ding is om te doen...” het Mogoeng gesê.
“Ek is een van daardie gelowiges wat glo dat God daar is en dat God praat.”
Volg Nuus24 op Twitter.
- SAPA