Gewonde soldate van SA in stabiele toestand

2012-11-13 17:12

Johannesburg – Twee Suid-Afrikaanse soldate is in ‘n stabiele toestand ná hulle tydens ‘n skermutseling tussen soldate van die Demokratiese Republiek van die Kongo en rebelle gewond is.

Xolani Mabanga, woordvoerder vir die Suid-Afrikaanse weermag, sê die twee is Maandag gewond.

“Die inligting is in hierdie stadium baie vaag, maar niemand is ernstig beseer nie,” het Mabanga gesê.

“Hulle is gestabiliseer en van Kivu na ‘n hospitaal in Goma geneem, waar hulle mediese behandeling gekry het.”

AFP het Dinsdag berig dat die twee deel was van ‘n VN-vredesmag.

Dit is nog nie duidelik of enige burgerlikes in die aanval gewond is of gesterf het nie. Een soldaat is in die botsing dood en sowat 20 is beseer.

Die geveg het glo ure lank voortgeduur.

– Volg Nuus24 op Twitter
 

- SAPA