Gewapende rower gewond in skietery
2011-08-15 15:29
Johannesburg – 'n Gewapende rower is gewond in 'n skietgeveg met die metropolisie in 'n parkie in Houghton, Johannesburg, het die metropolisie Maandag gesê.
Hoofsupt. Wayne Minnaar, woordvoerder van die Johannesburgse metropolisie, het gesê die man was deel van 'n groep van vyf mans wat 'n man en drie vroue Saterdag by The Wilds beroof het.
Metropolisiebeamptes het die mense te hulp gesnel toe die verdagte op hulle losgebrand het.
Die beamptes het teruggeskiet en die man is in die skouer gewond. Die ander vier mans het gevlug.
Die verdagte word by die Charlotte Maxeke-hospitaal in Hillbrow behandel en sal binnekort in die hof verskyn.
– Volg Nuus24 op Twitter
- SAPA