Gewapende bende bestorm ANC-vergadering

2012-11-14 09:21

Johannesburg – 'n Gewapende bende het by 'n ANC-takvergadering in Ekurhuleni ingestorm en gedreig om anti-Zuma-ondersteuners te skiet, het The Star Woensdag berig.

Sbongile Ntlonti, 'n ooggetuie, het gesê nege mans en 'n vrou het taklede in Rondebult naby Spruitview intimideer. Dít omdat hulle glo dat die lede adj.pres. Kgalema Motlanthe wil benoem as leier van die regerende party.

Die pro-Zuma-groep het gesê hulle is van die ANC se MK militêre veteranevereniging (MKMVA).

Nkenke Kekana, woordvoerder van die ANC in Gauteng, het die voorval aan die koerant bevestig en gesê dit sal ondersoek word.

"Ons het ook aan lede gesê om aanklagte aanhangig te maak teen die mense wat hulle gedreig het."

Die ANC se nuwe leierskap sal in Desember in Mangaung in die Vrystaat verkies word.

– Volg Nuus24 op Twitter

- SAPA