Getuies vertel van intimidasie by hospitale
2010-08-19 12:01
Johannesburg – Gerugte van intimidasie en stakende gesondheidswerkers wat probeer het om ‘n ambulans te verhoed om die Charlotte Maxeke Hospitaal in Johannesburg te verlaat het Donderdag deel uitgemaak van ‘n landswye staking wat nou sy tweede dag bereik het.
Volgens ‘n Sapa-verslaggewer op die toneel het betogers in rooi t-hemde die hoof-ingang na die hospitaal afgesper en verhoed dat motors binnekom deur op die bestuurders te skree.
Slegs ‘n handjievol polisiebeamptes was op die toneel om ‘n oog op die situasie te hou.
Petrus Pienaar, 53, wat na die kardiologie-kliniek gegaan het, het gesê dat hy bewus was van intimidasie binne-in die gebou.
“Die betogers het die gebou binnegegaan en het die mense wat binne gewerk het gedreig. Die betogers was baie aggressief,” het Pienaar aan Sapa gesê.
Barry Botha, 69, wat weggewys is deur hospitaalpersoneel, het vertel hoe hy gesien het hoe stakende werkers vroeër die oggend die uitgang geblok het toe ‘n ambulans probeer het om die gronde te verlaat.
Die ambulans het dit uiteindelik uitgemaak.
Verder was daar onbevestigde berigte op Twitter, deur 'n persoon wat homself Jonathan_Witt noem, dat die polisie met rubberkoeëls by die Chris Hani Baragwanath Hospitaal op betogers geskiet het.
‘n Polisiehelikopter het die area dopgehou volgens Witt.
‘n Werker van ‘n ander hospitaal in Johannesburg, met die Twitter naam AndyWandy, het uit die hospitaal boodskappe op Twitter geplaas.
Sy vertel hoe hulle gedreig is en dat daar aan hulle gesê is dat dit nie meer veilig in die hospitaal is nie.
Diegene wat binne was sou probeer om veilig uit die hospitaal te kom.
Volgens verdere berigte is ‘n sekurieteitshuisie by ‘n hospitaal ook afgebrand.
– Is jy op een of ander manier geraak deur stakings? Stuur jou foto's of storie aan ons.
Volg Nuus24 op Twitter
- SAPA