Gesteelde baba gevind
2009-08-26 13:30
Johannesburg – Baba BZ Ncumani wat uit die kraamsaal in die Tygerberg hospitaal ontvoer is, is Woensdag gevind en ‘n vrou is in verband met die ontvoering in hegtenis geneem, het die Wes-Kaapse polisie gesê.
“’n 31-jarige vrou is vroegoggend, net na middernag, by haar huis in Mfuleni op aanklagte van ontvoering in hegtenis geneem,” het kaptein Bernadine Steyn gesê.
“’n Babaseuntjie is in die verdagte se huis gevind.”
Die baba het geen skade gelei nie en die polisie sou forensiese toetse doen om vas te stel of hy wel baba Ncumani is.
Die baba se ma was op 24 Julie in ‘n koma toe verpleegsters opgelet het dat die baba nie meer in sy kot is nie en die polisie gekontak het.
Die vrou sal binnekort in die Bellville landdroshof verskyn op aanklagtes van ontvoering, het Steyn gesê.
- Sapa