Gesinsmoord eis 3
2009-09-12 10:35
Johannesburg – Die lyke van ‘n man, sy meisie en die paartjie se vierjarige dogtertjie is Vrydag in ‘n huis in Kaapstad gevind, het polisie gesê.
Die paartjie se bure en 'n vriendin het die man en vrou se lyke asook dié van hulle kleuter in die paartjie se huis in Kwalanga, Kaapstad, gevind.
"Die vrou se vriendin het die gesin gaan besoek. Toe sy daar aangekom het was die huis gesluit en niemand het vir haar die deur kom oopmaak nie. Sy het die vrou gebel en haar selfoon in die huis hoor lui”, het Makupula gesê.
Die vriendin en die bure het toe deur die venster gekyk om te sien of hulle tuis was.
Volgens Makupula het hulle die man se liggaam gesien, met ‘n pistool in sy hand. Die vrou se lyk was met ‘n laken bedek en die kind sin met ‘n kussing.
"Ons glo dat hy (die man) die vrou, kind en toe homself geskiet het”, het Makupula gesê.
Volgens die paartjie se bure is die gesin Donderdag laas gesien. Daar is vroeg Vrydagoggend skote gehoor maar niemand het geweet waar dit vandaan gekom het nie.
Die rede vir die moorde is nog nie bekend nie en polisie het ‘n saak geopen.
- SAPA