Gesinne in KZN ontruim weens vloede
2012-09-07 23:00
Johannesburg – Sowat 60 mense in Durban is deur die eThekwini-munisipaliteit ontruim weens vloede in die gebied, het 'n beampte Vrydag gesê.
Die mense is word in die Amaoti-gemeenskapsaal gehuisves en kospakkies en komberse is aan hulle voorsien nadat hul huise Donderdag of ineengestort of oorstroom is, het Thabo Mofokeng, woordvoerder, in 'n verklaring gesê.
Die gesinne wat geraak word, is van KwaNgcolosi, KwaNyuswa en Ntuzuma.
Mofokeng het gesê die munisipaliteit sal die omvang van die skade aan hul huise bepaal en kyk of enige hulp kan verskaf.
Intussen is drie ander mense Vrydagmiddag op die Tugela-rivier in Msinga gered.
Chris Botha, woordvoerder van Netcare, het gesê die 92-jarige vrou en haar twee kleinkinders (ses en 10 jaar oud) het probeer om die rivier oor te steek toe hulle vasgevang is.
Paramedici is ontbied en het die vier oor die rivier gehelp. Drie bejaarde vroue is ook te hulp gesnel nadat hulle aan die een van die rivier vasgevang is.
– Volg Nuus24 op Twitter
- SAPA
