Gesin in hegtenis vir moord
2012-01-31 19:46
Johannesburg – ‘n Pa en sy twee kinders is in hegtenis geneem nadat hulle na bewering ‘n man vermoor en sy lyk in ‘n straat in Dikgale, Limpopo, gelos het, het die polisie Dinsdag gesê.
Die 67-jarige man, sy seun en dogter is Maandag by hul huis in hegtenis geneem, het konst. Moses Molepo gesê.
Volgens hom het die drie na bewering vir Alfred Phoshoko (27) Sondagaand by sy huis in die dorp aangerand nadat hulle hom daarvan beskuldig het dat hy kruideniersware uit hul huis gesteel het.
“Hulle het Phoshoko met stokke doodgeslaan en sy lyk na die straat gesleep.”
Hulle sal na verwagting Woensdag in die Mankweng-landdroshof verskyn op aanklagte van moord.
- Volg Nuus24 op Twitter
- SAPA