'Genoeg bewyse teen Oscar' – NVG

2013-02-23 15:00

Pretoria – Die staat hou vol dat hy 'n sterk saak teen die moordbeskuldigde Oscar Pistorius het, ondanks die feit dat die ster-atleet Vrydag deur landdros Desmond Nair in Pretoria op borgtog vrygelaat is.

Medupe Simasiku van die nasionale vervolgingsgesag (NVG) het gesê Nair se uitspraak het net op borgtog gefokus en beteken geensins dat Pistorius vrygespreek is nie.

Hy sê daar is genoeg bewyse om te verseker dat die atleet skuldig bevind sal word wanneer hy later vanjaar verhoor word.

Simasiku het gesê Nair se kritiek van die staatsgetuies en ondersoekbeampte, Hilton Botha, was omdat daar nie genoeg tyd was om deeglik voor te berei en alle bewyse bymekaar te maak nie.

Pistorius is Vrydag op R1 miljoen se borgtog en streng voorwaardes vrygelaat.

Hy word daarvan verdink dat hy sy vriendin, Reeva Steenkamp, op Valentynsdag in sy huis doodgeskiet het toe hy haar glo vir 'n inbreker aangesien het.

Nair het egter tydens sy borguitspraak Pistorius se weergawe in twyfel getrek.

Pistorius moet op 4 Junie weer in die hof wees.

Volg Nuus24 op Twitter.

- SAPA