Geneesheer vas ná hy glo pasiënt verkrag
2010-07-22 16:13
Johannesburg – ‘n Tradisionele geneesheer vanaf Butterworth is in hegtenis geneem nadat hy glo ‘n pasiënt bewusteloos gemaak en toe verkrag het, het die polisie in die Oos-Kaap Donderdag gesê.
“Die slagoffer is gevra om al haar klere uit te trek en is toe in bruin linne toegedraai. Daarna is medisyne aan die brand gesteek, waarna die vrou flou geraak het. Toe sy wakker word, was die geneesheer glo bo-op haar gewees,” het kapt. Jackson Manatha, polisiewoordvoerder, gesê.
Die verdagte sal Vrydag in Butterworth in die landdroshof verskyn op aanklag van verkragting.
Volg Nuus24 op Twitter.
- SAPA