Gemeenskap slaan rower dood
2009-12-08 19:06
Johannesburg – Die gemeenskap van Zenzele, in Randfontein, het Dinsdag ‘n man doodgeslaan wat daarvan verdink is dat hy ‘n Somaliër se winkel beroof het, het die polisie gesê.
Volgens konst. Linkie Lefakane, polisiewoordvoerder, het die man en nog vyf ander verdagtes die winkel binnegegaan en met sowat R2 000 en selfone gevlug.
Lede van die gemeenskap het die verdagtes agternagesit en vasgetrek. Hulle het die mans glo onophoudelik geslaan. Een van die vermeende rowers het op die toneel gesterf. Nog twee is ernstig beseer en na die hospitaal geneem.
Die res van die verdagtes het ontsnap en is steeds soek.
–Sapa.