Gemeenskap pak mans wat meisie verkrag
2010-12-14 10:27
Johannesburg – Inwoners van Sharpeville het twee mans bygedam wat glo ‘n 14-jarige meisie ontvoer het om haar te verkrag, het polisie in Gauteng Dinsdag gesê.
“’n 14-jarige is Maandag omstreeks 22:30 na die winkel gestuur en terwyl sy op pad was het twee verdagtes haar gegryp en na ‘n nabygeleë hut geneem,” het ao. Aubrey Moopeloa gesê.
Een van die mans het haar verkrag en toe die tweede een ook sy kans wou vat het sy geskree.
“Die bure het tot haar redding gekom. Die twee mans is deur die gemeenskap vasgevat en geslaan.”
Die polisie is uitgeroep na die toneel en die twee mans, onderskeidelik 29 en 40, is in Tshepiso-noord, uitbreiding 3 in hegtenis geneem.
“Die twee mans is nou agter tralies.”
Hulle sal binnekort in die hof verskyn.
Volg Nuus24 op Twitter
- SAPA