Geloofwaardigheid van Jub Jub-video bevraagteken
2011-05-27 18:04
Johannesburg – Die geloofwaardigheid van 'n selfoonvideo van die moordbeskuldigdes Molema "Jub-Jub" Maarohanye en Themba Tshabalala wat vermoedelik resies gejaag het, is Vrydag in die Protea-landdroshof bevraagteken.
Die video wat vyf sekondes lank is, is Vrydagoggend in die hof gekyk en wys hoe twee Mini Coopers langs mekaar wegtrek.
'n Grys Mini Cooper, glo dié van Maarohanye, was voor aan die linkerkant en die blou Mini Cooper wat aan Tshabalala behoort, was aan die regterkant.
Ntokozo Mahlangu (18) het getuig dat sy een van die Mini Coopers in 'n ander laan sien swaai het omdat daar 'n aankomende motor was.
Toe die aankomende motor verby is, het een van die Mini Coopers weer na die ander laan gewissel.
Mahlangu het gesê die opname van die video is gestop omdat sy te min geheue op haar foon gehad het.
Sy het gesê sy en haar vriende het op die hoek van Mdlalosestraat gestaan het toe sy die twee mans se motors sien.
Sy het aan die hof gesê sy het Jub Jub as een van die bestuurders herken.
Die geskree van meisies kon duidelik op die video gehoor word. Mahlangu het gesê dít is omdat die meisies 'n "bekende" (Jub Jub) gesien het.
Maarohanye en Tshabalala het na bewering op 8 Maart verlede jaar in 'n groep skoolkinders geploeg.
Vier kinders is dood in die ongeluk en twee ander het ernstige beserings, waaronder breinskade, opgedoen.
Maarohanye en Tshabalala staan tereg op aanklagte van moord, poging tot moord en bestuur onder die invloed van dwelms en alkohol.
Sy het aan die hof gesê sy het Jub Jub as een van die bestuurders herken.
Die geskree van meisies kon duidelik op die video gehoor word. Mahlangu het gesê dít is omdat die meisies 'n "bekende" (Jub Jub) gesien het.
Hofverrigtinge is Woensdag gestaak omdat Raymond Mathenjwa, staatsaanklaer, nie die foon kon gebruik nie, omdat dit nie ge-Rica is nie.
Dit is nie deur die registrasieproses ingevolge die Wet op die Onderskepping van Inligting en Voorsiening van Kommunikasieverwante Inligting (Rica) nie en is meer as ses maande laas gebruik.
Mathenjwa het Vrydag aan die hof gesê die polisie se tegniese sentrum het toegang tot die foon verkry.
Maarohanye, wat 'n swart pak en blou sydas aangehad het, het in die beskuldigdebank gesit en nota's gemaak terwyl Mahlangu ondervra is.
Tshabalala het sy kop gesak.
Mahlangu het geïrriteerd gelyk tydens kruisverhoor. Sy het haar kop geskud en haar oë gerol.
Volg Nuus24 op Twitter
- SAPA