'Géén verdeeldheid in die ANC' – Gigaba

2012-11-13 11:27

Johannesburg – Ontevredenheid is nie ‘n teken van verdeeldheid in die African National Congress nie, het Malusi Gigaba, minister van openbare ondernemings, gesê.

“Daar is geen verdeeldheid in die ANC nie...Swak dissipline is nie ‘n teken van ontevredenheid nie; dis ‘n teken van swak dissipline... ‘n Mens kan nooit sê die twee is gelyk aan mekaar nie,” het hy gesê.

“Swak dissipline hoort in die vullisdrom en ontevredenheid is ‘n natuurlike beweging, want enige beweging wat lewend is... moet daardie nodige spanning bevat tussen mense wat glo jy kan beter doen en diegene wat gelukkig is..."

Gigaba meen dié spanning verseker balans binne die party.

Hy sê die leierskap van die ANC is ‘n demokratiese proses en hy is trots om die party te dien.

Die regerende party hou volgende maand sy nasionale verkiesingskongres in Mangaung.

Volg Nuus24 op Twitter   

- SAPA