Géén matrieks slaag by sewe skole
2013-01-04 13:08
Johannesburg – Altesaam sewe skole kon nie daarin slaag om een enkele suksesvolle matriekleerling in 2012 te hê nie, het ‘n koerant berig.
The Star berig twee skole in KwaZulu-Natal, twee skole in Limpopo en een elk in Gauteng, die Noordwes en die Wes-Kaap, het geen matrieks gehad wat die finale eksamens geslaag het nie.
Volgens die berig het al 56 matrieks by die Mangala-hoërskool in Libode, Oos-Kaap, gedop, terwyl die Sunshine- Christelike skool in die Noordwes se hele matriekklas van 27 leerlinge nie geslaag het nie.
Die enigste matriekleerder wat eksamens by die Wavelength-hoërskool in Johannesburg geskryf het, kon ook nie slaag nie.
Die koerant berig hierdie skole is onder die 126 skole landwyd wat nie ‘n slaagsyfer van 20% kon behaal nie.
Altesaam 485 skole het ‘n slaagsyfer van 20% tot 39% gehad, terwyl 1 224 skole ‘n slaagsyfer van tussen 40% en 59% behaal het.
Angie Motshekga, minister van basiese onderwys, het vroeër gesê 'n totaal van 73,9% van Suid-Afrika se matriekleerders het die skooljaar geslaag.
Dié syfer is hoër as die 70,2% van leerders wat matriek in 2011 geslaag het.
Volg Nuus24 op Twitter
- SAPA
