"Geen genade" vir 2010-misdaad nie
2010-01-24 17:37
Kaapstad – Suid-Afrika sal vinnig én met “geen genade” teen misdadigers en terroriste wat ’n bedreiging vir die 2010 Fifa Wêreldbeker inhou, optree,” het Nathi Mthethwa, die minister van polisie gesê.
Die land het R665 miljoen aan spesiale toerusting spandeer, insluitend militêre tegnologie.
Die land sal ’n verdere R640 miljoen spandeer om 41 000 polisie en- sekuriteitsbeamptes vir die sokkertoernooi te ontplooi, het hy luidens ’n verklaring gesê.
“Van die spesiale toerusting sluit in helikopters, 10 waterkanonne, 110 BMW’s vir snelwegpatrollie, toerusting van skare kontroleer en doeltreffende koeëlvaste baadjies.
Sowat 300 mobiele kameras sal ook gebruik word. Daar sal vier mobiele beheersentrums ter waarde van R6 miljoen installeer word.
Dié sentrums sal toerusting bevat wat regstreekse beeldmateriaal van vliegtuie en ander kameras sal ontvang.
“Aanstellings en spesifieke opleiding vir dié mag is onderweg. Ons poog daarin om die polisiemag met 55 000 lede te vermeerder."
“Die getal polisiereserviste sal ook teen die Wêreldbekertot ’n 100 000 verdubbel het."
“So, teen die tyd wat die sokkertoernooi aanbreek sal Suid-Afrika ’n aansienlike groter en goed opgeleide polisiediens hê.”
Mthethwa het gewaarsku dat die wêreld deur terrorisme geteister word en onskuldige mense moet vir die oortreders se gedrag betaal.
"Dit sal ons nie duld nie. Ons is vir enigiets voorberei. Enige tipe gedrag, of dit nou misdaad of terrorisme is, sal vinnig en met geen genade hanteer word,” het hy gesê.
Die verklaring het algemene besonderhede wat sekuriteit gedurende die Wêreldbeker betref, ingesluit:
-Daar sal ’n spesiale polisiemag aan elke span wat aan die toernooi gaan deelneem, gegee word.
-Spesiale fokus sal aan alle toegangspunte waar die land binne gekom kan word, geskenk word.
-40 Helikopters sal ingespan word vir ekstra sekuriteit.
-Sekuriteit sal in alle gasheerstede opgeskerp word, asook roetes wat na die stede lei.
-Spesiale polisiefokus word op verblyf, hotelle, Fifa-hoofkwartiere, stadions, pretparke, restaurante en toerisme bestemmings toegepas.
“Ons plig as burgers van die land is om alle besoekers welkom te laat voel, gasvry te wees en te versorg word. Dit is waarvoor Suid-Afrikaners bekend staan en daarom is dit ons plig,” het Mthethwa gesê.
-sapa