Geen borgtog vir kinderporno-beskuldigdes
2011-01-04 11:40
Pretoria - Agt mense wat teregstaan op 'n reeks aanklagte van die seksuele aanranding van kinders tot kinderpornografie se borgtog-aansoek is Dinsdag in die Pretoria-Noord-landdroshof geweier.
Landdros Pierre Wessels het gesê in die geval van seksmisdade, veral dié wat op kinders onder die ouderdom van 16 betrekking het, moet daar uitsonderlike omstandighede wees vir die staat om borgtog toe te staan.
Wessels het gesê dat hy in die getuienis en verklarings van die beskuldigdes geen sulke omstandighede gevind het nie.
Die agt beskuldigdes staan tereg op aanklagte van verkragting, onsedelike aanranding, die voorbereiding van kinders vir seksdade en die besit, vervaardiging en verspreiding van kinderpornografie.
Die beskuldigdes sluit in 'n oupa, 58, ouma, 57, hulle twee seuns uit vorige verhoudings, 34 en 36, die oupa se broer, 61, sy vrou, 42, en hul seun.
Die 26-jarige vrou van een van die seuns is ook in hegtenis geneem.
- Volg Nuus24 op Twitter
- SAPA