Gay-fees by Voortrekkermonument skok
2009-09-14 13:43
Johannesburg- ‘n Voortrekker jeugbeweging is glo hewig ontsteld omdat ‘n gay-fees die afgelope naweek by die Voortrekkermonument gehou is.
Die Verkenners Jeug Pretoria (PVJ) het in ‘n verklaring gesê die “bastion van Afrikaner nasionalisme” is nie die plek vir sulke “pienk” geleenthede nie.
Volgens Ruan Combrink, woordvoerder van die PVJ, is deel van die inkomste van die fees aan ‘n kampus-organisasie genaamd "UP and OUT", wat gay-regte by die Universiteit van Pretoria ondersteun, geskenk.
Die PVJ het in ‘n brief aan die hoof-uitvoerende beampte van die Voortrekker Monument, Gert Opperman, gesê dat hulle ontevrede is oor die "Pienk Jakarandafees" wat daar gehou is.
Volgens hulle is dit tyd dat die bestuur van die monument die Afrikaner beskerm en Christenskap bevorder.
Opperman het gesê dat die organiseerders van die fees die amfiteater bespreek en daarvoor betaal het. Volgens hom kon hy niks doen om te verhoed dat die fees plaasvind nie.
Die PVJ het Opperman nou uitgedaag om in die publiek te sê dat hy teen homoseksualiteit is. Hulle wil glo ook hê hy moet vir die Afrikaner om verskoning vra.
– Sapa
* Raak deel van Nuus24 se Facebook-gemeenskap. Kliek hier.